सुनवल । वडा बाल सन्जाल सुनवल-६ को आयोजनामा वडा भित्र भएका ८ वटा बाल क्लब लाई शैक्षिक,खेलकुद तथा बाल क्लब ब्यबस्थापन सामाग्री आज सुनवल-६ को वडा कार्यलयको सभाहलमा वितरण गरेको छ ।

वडा बाल सन्जाल सुनवल-६ को अध्यक्ष दिया ढकालको अध्यक्षतामा सम्पन्न कार्यक्रममा वडा भित्रका क्लब लाई खेलकुद सामाग्री ब्याटभिन्टन र लुडो प्रत्येक क्लबलाई १/१ क्लब ब्यबस्थापन सामाग्री तर्फ स्टाम,झोला,ब्यानर,लेटर प्याड,१/१ गरि माईनेट २/२ गरि वितरण गरेको छ ।

यसै गरि १५ बालबालिकाहरु लाई झोला १५ वटा,कपि १५ दर्जन,कलम १५ प्याकेट,पेन्सिल १५ प्याकेट र पेन्सिल बक्स १५ वटा शैक्षिक सामाग्री अति बिपन्न बालबालिका लाई वितरण गरेको हो ।

वडा नम्बर ६ का निर्वाचित वडा अध्यक्ष हिमलाल शर्माको प्रमुख आतिथ्यता रहेको कार्यक्रममा कार्यपालिका सदस्य,सीता तिमल्सिना,वडाका जनप्रतिनिधिहरु , वडा नम्बर ६ का सम्पुर्ण बालक्लब का सदस्यहरु,पत्रकार बुद्धिजीवी हरुको उपस्थिति रहेको थियो ।

प्रमुख अतिथी बोल्दै शर्माले बालबालिकामा श्रम शोषण ,बाल बिबाह, कुलतमा फसेको, थाहा भएमा खबर गर्ने साथै बाल बालिकालाई सम्बन्धि कार्यक्रमहरु गर्न वडा सङ्ग परामर्श गरि अगाडि बढ्न आग्रह गर्नु भएको थियो ।