प्रकाशित मिति: ४ असार २०७९, शनिबार १९:५४ चितवन।चितवनको माडीमा इनार सफा गर्ने क्रममा २ जनाको मृत्यु भएको छ ।
माडी नगरपालिका वडा नं. ७ देवेन्द्रपुरमा स्थानीय रिता रेग्मीको घरको इनार सफा गर्ने क्रममा माडी नगरपालिका वडा नं. ८ बस्ने २५ बर्षका सूर्य गुरुङ र सोही ठाउँ बस्ने ३० बर्षका शिव राईको मृत्यु भएको जिल्ला प्रहरी कार्यालय चितवनका प्रहरी प्रवक्ता नरहरि अधिकारीले जानकारी दिए ।
प्रहरीका अनुसार सुरुमा गुरुङ इनारभित्र पसेका थिए । तर उनले सहयोग गर्न हातले इशारा गरेपछि राई कम्मरमा डोरी बाँधेर गुरुङलाई उद्दार गर्न इनारभित्र गएका थिए । राईले बाँधेको डोरी चुडिएपछि उनी पनि तल खसेका प्रहरीले जनाएको छ । दुबै जनाको अक्सिजनको कमी भई मृत्यु भएको प्रहरीको अनुमान छ ।
उनीहरुको शव पोष्टमार्टमका लागि भरतपुर ल्याइएको छ ।
Ads
