रुपन्देही।रुपन्देहीको रोहिणी नदीमा बस खस्दा ९ जनाको मृत्यु भएको छ ।

जनकपुरबाट भैरहवा आउँदै गरेको लु २ ख ३८४१ नम्बरको बस बिहान ४:३० बजे दुर्घटना भएको रुपन्देही प्रहरीले बताएको छ।

बस रुपन्देहीको  रोहिणी  गाउँपालिका-४ र  ओमसतिया गाउँपालिका-४ को सीमामा रोहिणी नदीमा खसेको हो । बसमा ३३ जना सवार रहेको जिल्ला ट्राफिक प्रहरी प्रमुख केशब केसीले बताए ।

घाइतेहरुको प्रहरीले उद्धार गरेर अस्पताल पुर्‍याएको छ । उनीहरुको भैरहवास्थित भीम अस्पताल र युनिभर्सल मेडिकल कलेजमा उपचार भइरहेको छ । विस्तृत विवरण आउन बाँकी छ ।