नवलपरासी पश्चिम चैत १६ गते ।  रिपोर्टिङ  क्रमममा मारिएका पत्रकार सुरेश रजकको हत्याकाे विराेधमा नेपाल पत्रकार महासंघ पश्चिम नवलपरासी शाखाले आज विराेध प्रदर्शन गरेकाे छ ।  चैत १५ गते राजतन्त्र पक्षधरहरूको प्रदर्शनकाे रिपोर्टिङ गर्ने क्रममा उनकाे हत्या भएकाे थियाे ।
महासंघले पत्रकार रजकको हत्या तथा  सञ्चारगृहमाथि भएको ताेडफाेड र आगजनी खेदपूर्ण भएकाे भन्दै निश्पक्ष  छानबिन गरी दाेषिमाथि कारबाहीकाे माग गरेकाे छ ।
परासी लोकतान्त्रीक चोक बाट सुरु भएको विराेध र्याली वुद्धचोकमा पुगेर कोणा सभामा परिणत भएको थियो । उक्त  कार्यक्रमकाे नागरिक समाज, राजनीतिज्ञ ,पेशाकर्मि लगायतले  एक्वद्धता जनाएका छन् ।
विरोध र्यालीमा पत्रकारहरुले पत्रकार सुरेज रजकको हत्यारालाई कारवाही गर, प्रेस स्वतन्त्रताको ग्यारेन्टी गर, पत्रकार र मिडिया हाउस माथीको आक्रमण बन्द गर जस्ता प्लेकार्ड बोकेका थिए।
महासंघकाे ७१औँ स्थापना दिवसको पूर्वसन्ध्यामा पत्रकार रजकको हत्या भएपछि वार्षिकोत्सवलाई विरोध सभामा परिणत गरिएको हो ।
हत्याको विराेधमा देशव्यापी रूपमा पत्रकारले भाेलि चैत १७ गते कालाेपट्टि बाधेर काम गर्ने र पर्सि १८ गते  पत्रकार रजककाे हत्यामा संलग्न दाेषिलाई कारबाहीकाे माग गर्दै प्रमुख जिल्ला अधिकारी मार्फत सरकारलाई ज्ञापत पत्र बुझाउने कार्यक्रम रहेकाे महासंघका अध्यक्ष केशव पराजुलीले जानकारी दिनुभयाे ।
सचिव अनिल यादवकाे संचालन र उपाध्यक्ष विकास अधिकारीकाे स्वागत रहेकाे विराेध कार्यक्रममा प्रदेश सभा सदस्य वैजनाथ जयसवाल,नेपाल बार एसोसियसन नवलपरासीका सचिव भवराज पाण्डे, उद्योग वाणिज्य संघ नवलपरासीका उपाध्यक्ष गिरीराज पाण्डे,नागरिक समाजका पुर्व अध्यक्ष शम्भु उपाध्याय र नागरिक निगरानी संस्थाका अध्यक्ष रामजी ज्ञवाली लगायतले बाेल्दै प्रेस स्वतन्त्र माथीको आक्रमण अराजकताको पराकाष्ठा भएकाे भन्दै निन्दनीय रहेकाे टिप्पणी गरेका थिए ।
संघिय लाेकतान्त्रिक गणतन्त्रमा हरेकलाई आफ्ना विचार राख्न पाउने र विराेध गर्न पाउने अधिकार राज्यले सुनिश्चित गरेकाे भन्दै हिंसात्मक गतिविधिबाट नभई टेबुलमा बसेर समस्याकाे समाधान खाेज्न आग्रह गरेका छन् ।