नवलपरासी पश्चिम चैत ११ गते । अन्तर्क्रिया कार्यक्रमकाे आयाेजना गरी सुनवल नगरपालिकाकाे स्वास्थ शाखाले विश्व क्षयरोग दिवस-२०८१  मनाएकाे छ ।
“हो हामी क्षयरोग अन्त्य गर्न सक्छौं, लगानीको प्रतिबद्धता र सेवा प्रवाहको सुनिश्चितता, आजको आवश्यकता” भन्ने नारा सहित विश्व क्षयरोग दिवस मनाइएकाे हाे ।
सुनवल स्वास्थ शाखा प्रमुख कृष्ण प्रसाद न्याैपानेले कार्यक्रमकाे ओैचित्य र उदेश्य माथि प्रकाश पार्दै समृद्ध सुनवल र सुखि सुनवलबासीकाे लक्ष्यलाई सार्थक पार्न स्वास्थ्यमा लगानी गर्न  नगरप्रमुख र प्रमुख प्रशासकीय अधिकृतकाे ध्यानाकर्षण गराउनुभएकाे थियाे ।
त्यसैगरी साेहि क्रममा स्वास्थ शाखा क्षयकुष्ठ राेग फाेकल पर्सन डिल्लीराज पराजुलीले क्षयरोग भनेकाे के हाे ? क्षयरोग कसरी लाग्छ ? कसरी पत्ता लगाउने र उपचार कसरी गर्ने भन्ने विषयमा प्रस्तुतिकरण गर्नुभएकाे थियाे ।
उहाँका अनुसार नगरपालिकाकाे १३ वटै वडामा क्षयराेग उपचार केन्द्र संचालन गरि सेवा प्रभाहकाे सुनिश्चितता गरिएकाे छ । क्षयरोग लागेका एउटा व्यक्तिले एक पटकमा १० देखि १५ जनासम्म सार्न सक्ने हुदा क्षयरोगकाे बिरामीले पूर्ण रूपमा निकाे नहुदासम्म बिचमा दबाई छाेड्न नहुने क्षयकुष्ठ राेग फाेकल पर्सन पराजुलीले जानकारी दिनुभयाे ।
सुनवल नगरपालिकामा २०७९/०८० मा  क्षयरोगकाे  बिरामीकाे संख्या १०३, २०८०/०८१ मा  ९८ जना र २०८१ /०८२ मा घटेर ५३ जना रहेका छन् । जसमध्ये १८ जना महिला र अन्य पुरूष छन् ।  गतबर्ष मात्र  क्षयरोगका कारण १ जनाकाे मृत्यु भएकाे छ।  प्रमुख प्रशासकीय अधिकृत शेषकान्त पाैडेलकाे अध्यक्षता एवं नगरप्रमेख विमला अर्यालकाे प्रमुख आतिथ्यतामा सम्पन्न कार्यक्रमकाे संचालन स्वास्थ शाखा सिनियर अहेब चुडामणि नेपालले गर्नुभएकाे थियाे । उहाँले क्षयरोगकाे संख्या क्रमिक घट्दै गएपनि पूर्ण रूपमा निर्मुल गर्न नसकिएकाे भन्दै सचेत रहन सबैलाई आग्रह गर्नुभयाे ।