नवलपरासी पश्चिम चैत १० गते । नवलपरासी पश्चिम स्थित सुनवल नगरपालिका वडा नम्बर ४ को विकट गाउँ मानिने महलपोखरीमा आज आइतबार एक दिने पशु स्वास्थ्य शिविर संचालन गरिएको छ ।
नगरपालिकाको आर्थिक वर्ष २०८१ /०८२ को वार्षिक स्वइकृत कार्यक्रम अनुसार पशुसेवा सगँ सम्बन्धित कुनैपनि सेवा नपुगेका दुर्गम बस्तिमा उक्त शिविर संचालन गरिएको हो ।
नगरपालिकाबाट करिब ११ किलोमिटर उत्तर पहाडि भेग पर्ने उक्त क्षेत्रमा बसोबास गर्ने ३५ घरका १३ सय ९१ पशुपक्षिंको उपचार तथा औषधी वितरण गरिएको सुनवल पशुसेवा शाखाप्रमुख मिश्री प्रसाद सड्काले जानकारी दिनुभयो ।
चेकजाच गर्दा बढि मात्रमा पशुपक्षिंमा बढि मात्रामा जुका, नाम्ले र माटे जस्ता आन्तरिक परजिवी भेटिएको पशु क्वारेन्टाइन चेक पोष्ट महेशपुरका पशु सेवा प्राविधिक ठाकुर प्रसाद खड्काले जानकारी दिनुभयो ।
शिविरमा पशुको गोबर परिश्रण, बन्ध्याकरण, आन्तरिक तथा बाह्य परजिवी परिश्रण गरि निधान सहितको औषधी वितरण र परामर्श सेवा दिईएको थियो ।
५१७ वटा बाख्रा, ८१ वटा गाई, ७५ वटा बंगुर र ७१८ वटा कुखुरालाई चेकजाच गरि भिटामिन, डाइजेस्टिक पाउडर, जुका, नाम्ले र माटेको औषधी वितरण गरिएको नगरपालिकाको पशु डक्टर टोजनाथ ढकालले जानकारी दिनुभयो ।
यातायातको असुविधाका कारण बर्षैदेखि पशुपक्षिंमा रोग लाग्दा केहि गर्न नसकेका किसानहरु सहज तरिकाले आफ्‌नै क्षेत्रमा पशुपक्षिंको उपचार भएकोमा हर्षित भएका छन् ।
वडा नम्बर ४ का वडा अध्यक्ष बालकृष्ण पंगेनीको अध्यक्षता एवं नगरप्रमुख विमला अर्यालको प्रमुख आतित्थ्यता शिविर सम्पन्न भएका होे । सुनवल पशुसेवा शाखाप्रमुख मिश्री प्रसाद सड्काको संचालन रहेको कार्यक्रममा प्रमुख प्रशासकिय अधिकृत शेषकान्त पौडेल, कार्यपालिका सदस्य सिता भण्डारी र भुमिकला क्षेत्रीको उपस्थिती रहेको थियो ।