नवलपरासी पश्चिम चेैत ९ गते ।  नवलपरासी पश्चिम स्थित लुम्बिनी बचत तथा ऋण सहकारी संस्था लि. सुनवल  १२ ले महिला सशक्तीकरण ,लैंगिक हिंसा तथा साइबर क्राइम सम्बन्धि १ दिने प्रशिक्षण कार्यक्रम  सम्पन्न गरेकाे छ ।
आज सनिवार संस्थाका अध्यक्ष लेखनाथ खरेलकाे अध्यक्षता एवं नेपाल बचत तथा ऋण केन्द्रीय सहकारी संघ लि. ( नेफस्कून ) काे उपाध्यक्ष  शान्ति अधिकारीकाे प्रमुख आतिथ्यतामा  उक्त प्रशिक्षण कार्यक्रम सम्पन्न  भएकाे हाे ।
कार्यक्रममा पहिलाे प्रशिक्षण  जीवन विज्ञान र स्व-जागरण सम्बन्धि  प्रशिक्षक हरिप्रसाद पाेखरेलले दिनुभएकाे थियाे ।  लैंगिक हिंसा तथा साइबर क्राइम सम्बन्धि  इलाका प्रहरी कार्यालय सुनवलका प्रमुख सन्ताेष पाैडेल र महिला सशक्तीकरण सम्बन्धि ( नेफस्कून ) काे उपाध्यक्ष  शान्ति अधिकारीले प्रशिक्षण दिनुभएकाे थियाे ।
त्यसैगरी कार्यक्रमा  उत्कृष्ट ऋणी सगैँ सफल उद्यमी रहेका  भुमहि शाखाबाट  २ जना र सुनवल  शाखाबाट  २ जना गरि ४ जनालाई सम्मान समेत गरिएकाे थियाे ।
साेहिँ क्रममा बाेल्दै सुनवल नगर प्रवक्ता कृष्ण प्रसाद वगालेले यस्ता प्रशिक्षणले सेयर सदस्यहरूमा ज्ञान सिपकाे विकास गरि दक्षता हासिल गर्न सहयाेग पुग्ने विश्वास व्यक्त गर्नुभयाे ।
कार्यक्रमकाे उदेश्य माथि प्रकाश पार्दै संस्थाका अध्यक्ष लेखनाथ खरेलले सामाजिक संजालमा पछिल्लो पटक सहकारीमा देखिएकाे आर्थिक हिनामिनाकाे समाचारले  सेयर सदस्यमा डर छाएकाे  बताउनुभयाे ।
उहाँले बाहिरी हल्लाकाे पछि नलाग्न आफ्ना सेयर सदस्यलाई आग्रह गर्देै सुनिश्चित भविष्यकाे लागि  थाेरै धेरै जति सकिन्छ  उति मासिक रूपमा बचत गर्न आग्रह  गर्नुभयाे ।
संस्थाकाे सचिव तारा आचार्यकाे संचालन र संस्थाका उपाध्यक्ष हरिप्रसाद तिवारीकाे स्वागत रहेकाे प्रशिक्षण कार्यक्रममा संस्थाका सुनवल वडा नम्बर ११,१२ र १३ का सेयर सदस्यहरूकाे सहभागीता रहेकाे थियाे ।
आजै लुम्बिनी बचत तथा ऋण सहकारी संस्था लि. सुनवल ४ शाखाले पनि महिला सशक्तीकरण ,लैंगिक हिंसा तथा साइबर क्राइम सम्बन्धि १ दिने प्रशिक्षण कार्यक्रम  सम्पन्न गरेकाे छ ।