१६ फागुन ,नवलपरासी । पश्चिम नवलपरासीकाे सुनवलमा पहिलाे पटक दुई दिने खुल्ला डाेजाे स्तरीय आमन्त्रित कराते प्रतियोगिता शुरू भएकाे छ ।
नेपाल कराते महासंघ जिल्ला कार्य समिति नवलपरासीकाे आयाेजना र सुनवल नगरपालिकाकाे सहयाेगमा आज शुक्रबारबाट उक्त खुल्ला डाेजाे स्तरीय आमन्त्रित कराते प्रतियोगिता शुरू भएकाे हाे ।
कराते महासंघ नवलपरासीका जिल्ला अध्यक्ष अनिष पाण्डेकाे अध्यक्षता तथा सुनवल नगरप्रमुख विमला अर्यालकाे प्रमुख आतिथ्यतामा शुरू भएकाे कराते प्रतियोगितामा नवलपरासी , रूपन्देही र कपिलवस्तुका खेलाडीहरूकाे सहभागीता रहेकाे छ ।
जसमा महिलातर्फ २५ के.जी. + ६८ के.जी. सम्म  १० वटा ताैल समूह रहेका छन् भने पुरूषतर्फ २५ के.जी. +७५ के.जी.सम्म ११ वटा ताैल समुह रहेकाे छ ।
साेहि कार्यक्रममा बाेल्दै नगरप्रमुख अर्यालले स्वास्थ्यका लागि खेलकुद र राष्ट्रका लागि खेलकुद भन्ने नारा सहित सुनवल नगरपालिकाले विभिन्न विद्यामा वडा देखि नगरस्तरीय सम्मकाे खेलकुद आयाेजना गर्दै आएकाे जानकारी दिनुभयाे ।
देशलाई अन्तर्राष्ट्रिय जगतमा चिनाउने एउटा माध्यम खेल र खेलाडी पनि भएकाेले युवालाई खेलमा आवद्व गराई एक सक्षम खेलाडी जन्माउने उदेश्य स्थानीय सरकारले सदैब राखेकाे उहाँको भनाइ थियाे ।
प्रतीक्षा रानाकाे संचालन र जिल्ला बक्सिङ संघका टेक बहादुर पुनकाे स्वागत रहेकाे कार्यक्रमा वडा नम्बर १ का वडा अध्यक्ष
मन बहादुर थापा मगर, वडा नम्बर ३ का वडा अध्यक्ष पविन गुरूङ ,वडा नम्बर ४ का वडा अध्यक्ष बालकृष्ण पंगेनी,उद्योग वाणिज्य संघ सुनवलका अध्यक्ष  रमेश कर्माचार्य, वडा नम्बर ४ का  निवर्तमान वडा अध्यक्ष विरबहादुर गुरूङ लगाएतले शुभकामना मन्तव्य व्यक्त गर्नुभएकाे थियाे ।