१५ फागुन , नवलपरासी । ४३ औ मगर स्थापना दिवसको अवसर पारि  नेपाल मगर संघ नगर समिति सुनवल पश्चिम नवलपरासीले आज बिहीबार सांस्कृतिक कार्यक्रम सम्पन्न गरेकाे छ।
नेपाल मगर संघ सुनवल नगर समिति अध्यक्ष मन बहादुर थापा दिपककाे अध्यक्षता एवं सुनवल नगरप्रमुख विमला अर्यालकाे प्रमुख आतिथ्यतामा उक्त सांस्कृतिक कार्यक्रम सम्पन्न भएकाे हाे ।
कार्यक्रमकाे उद्वघाटन गर्दै नगरप्रमुख अर्यालले हरेक जातजाति ,भाषा,धर्म, संस्कृतिको संरक्षण र सम्बर्द्धन गर्न स्थानिय सरकार तयार रहेकाे बताउनुभयाे ।
मगर समुदाय इमान्दार ,मेहनती र निश्पक्ष व्यवहार गर्ने समुदायकाे रूपमा इतिहास बनाउदै आएकाे बताउदै यस आर्थिक बर्षमा स्थानीय सरकारकाे बजेटमा प्रथम सहिद क्या. लखन थापाकाे मुर्ति बनाइएकाे स्मरण गराउनुभयाे ।
उहाँले मगर समुदायकाे साथमा सदैब स्थानीय सरकार रहेकाे बताउदै मगरघाटकाे समेत माग गरिएकाेले आगामी बर्ष मगरघाटकाे  लागि बजेट बिनियाेजन गरिने समेत प्रतिबद्धता व्यक्त गर्नुभयाे ।
त्यसैगरी साेहिँ क्रममा बाेल्दै नेपाल मगर संघ लुम्बिनी प्रदेश उपाध्यक्ष एवं सुनवल वडा नम्बर १ का वडा अध्यक्ष मन बहादुर थापा मगरले मगर समुदायले आफ्नाे भेषभुषा र भाषाकाे संरक्षण गर्नुपर्नेमा जाेड दिनुभयाे ।
उहाँले पछिल्लाे पटक मगरहरूले आफ्नाे भाषा समेत नबाेल्दा लाेप हुने अवस्था देखिएकाेले मगर समुदायकाे पहिचार र पुस्ता हस्तान्तरणका लागि सङ्ग्रालय निर्माण गर्नुपर्ने आवश्यकता देखिएकाे उल्लेख गर्नुभयाे ।
कार्यक्रममा ख्यातिप्राप्त राष्ट्रिय कलाकार नवीन राना मगर र जुना श्रीस मगरकाे बेजाेड प्रस्तुति रहेकाे थियाे । त्यस्तै मगर समुदायकाे संस्कृति झल्कने भेषभुषामा विभिन्न नृत्य समेत प्रस्तुत गरिएकाे थियाे ।
त्यसैगरी मगर समुदायको जेष्ठ नागरिक र विभिन्न विद्यामा उच्च शिक्षा हासिल गरेका व्यक्तित्वलाई सम्मान,प्रसंसापत्र वितरण,
भलिबल , रस्सि तान्ने ,घैटाे फाेड्ने खेलमा विजयी खेलाडीलाई पुरस्कार , सम्पूर्ण अतिथिलाई मायाकाे चिनाे समेत वितरण गरिएकाे थियाे ।
देव थापा , चित्र कुमारी बुढाथोकी र विनिता श्रीसकाे संचालन र कुल बहादुर राना मगरकाे स्वागत रहेकाे कार्यक्रममा नेपाल मगर संघ लुम्बिनी प्रदेश सह-सचिव जुठिमाया लेगामी मगर ,उद्योग वाणिज्य संघ सुनवलकाे अध्यक्ष रमेश कर्माचार्य , राप्रपा नगर अध्यक्ष दिलकुमारी बुढाथोकी लगाएतले शुभकामना मन्तव्य गर्नुभएकाे थियाे ।