१० फागुन, नवलपरासी । सुनवल नगर स्तरिय प्रमुख तीन दलले आज एक प्रेस विज्ञप्ति जारी गरि महाकवि देवकोटा नमुना मा.वि.का प्र.अ.खेमलाल शर्मा जोशीलेले भाेलि फागुुन ११ गते बाेलाएकाे अभिभावक भेला तत्कालकाे लागि स्थगित गर्न अनुराेध  गरेकाे छ ।
स्थानीय स्तरमा विवादित भएको र अदालतमा  समेत विचाराधिन रहेको विद्यालय व्यवस्थापन समिति गठन जस्तो विषयमा प्रधानाध्यापकले एकलौटी रुपमा अभिभावक भेला बाेलाएकाे भन्दै तत्कालका लागि  स्थगित गर्न अनुराेध गरिएकाे हाे ।
नेपाली कांग्रेस, सुनवल नगर सभापति सोम वहादुर रायमाझी, नेकपा एमाले नगर अध्यक्ष मुक्ती बहादुर भण्डारी र रा. प्र. पा. सुनवल नगर अध्यक्ष दिलकुमारी बुढाथोकी द्वारा संयुक्त हस्ताक्षरित विज्ञप्तिमा स्थानीय सरोकारवाला र मौजुदा वि.व्य.स.लाई वाईपास गरी अभिभावक भेला बाेलाउनु कानुन विपरित, जालझेल र छलकपटपुर्ण भएकाे बताइएकाे छ ।
नयाँ वि.व्य.स. गठनका निम्ती अभिभावक भेला गर्ने उद्देश्यले सुनवल नगर शिक्षा समितिले गत माघ २८ गते शिक्षा ऐनको दफा २४(७) बमोजिम सोहि विद्यालयका ४ जना अभिभावकहरुलाई तोकदिएको  थियाे ।
भने सदस्य सचिवको हैसियतले माघ ३० गते विद्यालयकाे प्र. अ. जाेसीले उक्त समितिको बैठक राखि समितिलाई क्रियाशिल समेत बनाएका थिए ।
विज्ञप्तिमा स्थानीय तहको निर्देशन, व्यवस्थापन समितिको निर्णय र अदालतको आदेश विपरित मनोमानी ढंगले आफ्नो अनुकुल व्यवस्थापन समिति गठन गर्न अभिभावक भेला बाेलाउनु खेदपूर्ण भएकाे भन्दै  केहि समययता प्रधानाध्यापक र शिक्षक अभिभावक संघका अध्यक्षद्वारा श्रृजना गरिएका अराजक गतिविधि, संचार माध्यममा आएका आर्थिक अनियमितता र कारवाहिसंग सम्बन्धित विषयवस्तुहरुले गम्भिर ध्यानाकर्षण  भएको उल्लेख छ ।
विद्यालयमा भएका अनियमितता र भ्रष्टाचार जन्य क्रियाकलापलाई ढाकछोप गर्ने अभिप्रायले विद्यालय व्यवस्थापन समिति गठनका सन्दर्भमा प्रधानाध्यापकले प्रर्दशन गरेका अनुशासनहिनता, अराजकता, स्वईच्छाचारिता, अनियमितता, गैर कानुनी, र गैर प्रशासनिक क्रियाकलापले वर्षोंदेखि सुनवल नगरवासीहरुले यस विद्यालयलाई उत्कृष्ट बनाउन गरेको त्याग, लगानी र सर्मपर्णको अपमान भएको  विज्ञप्तिमा उल्लेख छ ।
विज्ञप्तिमा विद्यालयकाे आर्थिक अनियमितताको छानविन गरि दोषि उपर कडा कारवाहिकाे गर्न माग गर्दै जवरजस्ती भेला आयोजना गरे, त्यसबाट श्रृजना हुनसक्ने जुनसुकै परिस्थिती र घटनाको जिम्मेवार स्वयं प्रधानाध्यापक हुनुपर्ने चेतावनी पनि दिइएको छ ।