६ फागुन नवलपरासी । यातायात व्यवस्था सेवा कार्यालय परासीबाट एकै पटक झन्डै १३ हजार सवारी चालक अनुमती पत्रको स्मार्ट कार्ड वितरण सुरु भएको छ।
कार्यालयबाट जारी भएका नयाँ अनुमती पत्र, नविकरण, वर्ग थप, प्रतिलिपि गरी १३ हजार ९७१ वटा स्मार्ट कार्ड एकैपटक वितरण सुरु गरिएको हाे ।

प्रदेश सरकार अर्न्तगतको  वि.स. २०७८ मा स्थापना भएको यस कार्यालयले गत वर्षबाट सवारी चालक अनुमती पत्र वितरण सुरु गरेकाे थियो ।
चालु आर्थिक वर्षको पुस सम्मको लाईसेन्स कार्ड प्राप्त भएकाले  क्रमैसंग सेवाग्राहीलाई कार्ड वितरण सुरु गरिएको  कार्यालय प्रमुख श्यामलाल न्यौपानेले जानकारी दिनुभयाे ।
यसैबीच दुई पाङग्रे सवारी साधनको लाईसेन्स वितरण गर्देै आएको यस कार्यालयले  यहीँ माघ महिनाबाट चार पाङग्रे सवारी साधनको पनि लाईसेन्स विरतण सुरु गरेको छ ।