नवलपरासी , ६ फागुन । पश्चिम नवलपरासीमा पहिलो पटक दुई दिवसीय रामग्राम खाना महोत्सव हुने भएको छ । आज मंगलबार पत्रकार सम्मेलनकाे आयाेजना गरी आगामी फागुन १२ र १३ गते खाना महोत्सव हुने स्थानिय आदीवासी जनजाती महासंघ रामग्राम नगर समितीले जानकारी दिएकाे हाे ।
रामग्राम खाना महोत्सव परासी स्थित घण्टाघर चोक देखी पाईपास रोड सम्म करिव १ सय खाना सम्वन्धी स्टलहरू राखिने छन् ।
खाना महोत्सवमा आधुनिक भन्दा पनि विभिन्न जातजातिकाे मौलीकता झल्काउने खानाको परिकारका साथै विभिन्न भेषभुषा प्रर्दशनी गर्ने गरी स्टलहरुको ब्यवस्थापन गर्ने योजना रहेको कार्यक्रम मुल समारोह ब्यवस्थापन समितीका संयोजक अवीनाश रेश्मीले बताउनुभयाे ।
करिब १० लाख खर्च अनुमान गरिएकाे खाना महाेत्सवमा दैनिक ३ हजारले स्टल अबलाेकल गर्ने लक्ष्य लिइएकाे महोत्सव मुल आयोजक समितीका संयोजक अशोक श्रेष्ठले जानकारी दिनुभयो ।
रामग्राम नगरपालिकाकाे मुख्य आर्थिक सहयाेग रहने महाेत्सवमा खाानाका स्टलहरू निशुल्न राख्न दिइनेछ । साउन्ड, लाइट ड्राेन सहित ५ वटा क्यामरा राखिने उक्त खाना महाेत्सवमा इन्दिरा जोशी , प्रमोद अग्रहरी, साैगात मल्ल लगायतका राष्ट्रिय कलाकारहरुको बजेड प्रस्तुती रहने पत्रकार सम्मेलनका अध्यक्ष भवानी शंकर चौधरीले जानकारी दिनुभयो ।