कार्तिक १७ , नवलपरासी  । पश्चिम नवलपरासीकाे सुस्ता ३ मा साझँ ५: २५ बजे देउसी भैलो खेल्ने मानिस लिएर हिडेको गाडि दुर्घटना हुदा १० जना घाइते भएका छन् ।
विगेप स्थित भित्रि सडक खण्ड अन्तर्गत गुडरियाबाट नर्सहि तर्फ (देउसी भैलो खेल्ने मानिस लिएर हिडेको) लु ३ च ६०३२ न. को पिकअप गाडी बाटोमा हिडि रहेको  बाख्रालाई जोगाउने क्रममा आफै अनियन्त्रीत भई दुर्घटना भएकाे हाे ।
घाइते हुनेमा सुस्ता गा.पा.२ गुदारियाका बर्ष १६ की सृस्ति मुखिया , वर्ष अ.१९ की मन्जु महत्तो , वर्ष २१ को रेखा महतो , बर्ष २१ को बैजनाथ गुप्ता, जितराम मुखियाको छोरी बर्ष १४ की लक्ष्मी मुखिया , बसन्त मुखियाको छोरी  बर्ष १६ की बर्षा  मुखिया, डिल्ली मुखियाको छोरी बर्ष १८ की कविता मुखिया , राजु कुमार मुखियाको छोरी बर्ष १५ की तिल कुमारी मुखिया  बर्ष २३ को बिवेक चौधरी र  सिता मुखियाको छोरा बर्ष १३ को ईशान्त मुखिया रहेका छन् ।
हात, खुट्टामा चाेट लागेका घाईतेहरुकाे अवस्था केहि मध्यम र केही सामान्य रहेकाेले उपचारको लागी सहिद स्मृति सामुदायिक अस्पताल चौपत्ता पठाईएको जिल्ला प्रहरी कार्यालय नवलपरासीका सुचना अधिकृत रेशम बाेहराले जानकारी दिनुभएकाे छ ।
यतिबेला गाडी चालक प्रहरी नियन्त्रणमा रहेकाे छ भनेफगाडिमा २५ जना सवार रहेका थिए ।