प्यूठान । प्यूठानको नौबहिनी गाउँपालिका–८ फोप्लीमा एमाले र  गठबन्धनका कार्यकर्ताबीच झडप भएको छ । स्थानीय तहको चुनावमा भोट दिन भन्दै कांग्रेस कार्यकर्तालाई एमाले कार्यकर्ताले फकाउन खोजेपछि झडप भएको बताइएको छ ।

सुरुमा दुवै समूहबीच विवाद भएको र पछि झडप भएको जिल्ला प्रहरी कार्यालय प्यूठानका प्रमुख डीएसपी सत्यनारायण थापाले बताए । झडपमा विष्णु गुरुङ र पुठबहादुर पुन घाइते भएको प्रहरीले जानकारी दिएको छ ।