प्रकाशित मिति: २५ मंसिर २०८०, सोमबार २०:३०
कल्पना खरेल,नवलपरासी । दोस्रो स्मृति कप २०८० खुल्ला नक आउट पुरुष फुटबल प्रतियोगिताकाे आजकाे खेलमा नेपाल प्रहरी विशेष सुरक्षा गण विजयी भएकाे छ ।
सुनवल-३, किर्तिपुर -२ खेल मैदानमा जारी उक्त खेलमा 7 STAR FC लाई शुन्यका विरूद्व २ गाेलले हराउदै नेपाल प्रहरी विशेष सुरक्षा गण विजयी भएकाे हाे ।
खेलकाे केही समयमा नै १ गाेलकाे अग्रता कायम गरेकाे नेपाल प्रहरी विशेष सुरक्षा गणले पहिलाे हाफमै थप १ गाेल गर्न सफल भएकाे थियाे । 7 STAR FC ले भने खेल अवधिभर गाेल फर्काउने निकैनै प्रयास गरेपनि सफल हुन सकेन ।
आजको खेलमा 7 STAR FC का जर्सी नंम्बर ६ का खेलाडी देव अमात्य म्यान अफ द म्याच घाेषित भएका छन् ।
भोलीकाे अन्तिम क्वाटर फ़ाइनल खेल जेनिथ युवा क्लव किर्तिपुर १ Vs सिद्धार्थ युवा क्लव रुपन्देही बिच हुने आयाेजक समितिले जनाएकाे छ ।
Ads
