कल्पना खरेल, नवलपरासी । आज शुक्रबार मधु सामुदायिक वन उपभोक्ता समुहले वृक्षरोपण कार्यक्रम सम्पन्न गरेकाे छ ।
सामुदायिक वनका अध्यक्ष युबराज पुनको अध्यक्षता तथा रिटर्नी माइग्रेन्ट नेपाल नवलपरासी जिल्ला समितिका अध्यक्ष लेखनाथ न्यौपाने को प्रमुख आतिथ्यतामा उक्त वृक्षरोपण कार्यक्रम सम्पन्न भएकाे हाे ।
कार्यक्रममा  बाेल्दै प्रमुख अतिथि न्याैपानेले वनकाे संरक्षण गर्दै  वन क्षेत्रमा बनस्पती, फलफुल,जडिबिटी र नगदे घाँसबाली लगाएमा उपभोक्ताहरुलाई राम्रो फाइदा हुने बताउनुभयाे ।त्यसैगरी पशुपन्छि बिकाश समूहका नगर अध्यक्ष मोहन कार्कीले मधु सामुदायिक वन वडा न १० को अमुल्य धन बनाउनका लागि सबै उपभोक्ताहरु एकजुट भएर लागे वनबाट राम्रो आम्दानी  गर्न सकिने जानकारी दिनुभयाे ।
साेहि क्रममा बाेल्दै सिटिइभिटि प्रदेश न ५ पशु तथा कृर्षी प्रशिक्षक बिमल ढकालले तालिम लिएर वनमा जडिबुटि लगाउने,डाले घाँस उत्पादन गर्ने  र फलफुल उत्पादनमा लाग्दा आत्मनिर्भर बन्न सक्ने वातावरण निर्माण हुने धारणा राख्नुभयाे ।
कार्यक्रम उपाध्यक्ष पदम थापाकाे स्वागत र सचिव इश्वरी पाण्डेकाे संचालनमा सम्पन्न भएकाे थियाे ।