कल्पना खरेल,नवलपरासी । पश्चिम नवलपरासीको सुस्ता गा.पा.२, गुडरिया स्थित भारतिय गाण्डक नहर छेउमा साेमबार एक मृत लास फेला परेकाे छ ।
उक्त लास भारतकाे बिहार प्रदेश पश्चिम चम्पारण जिल्ला थाना बाल्मिकीनगर ३ नं. पहाड बस्ने मिना  पौलको छोरा  १९ वर्षका  सुजित पौलकाे रहेकाे छ ।
स्थानीयद्वारा  मृत लास फेला परेको खबर  प्राप्त हुना साथ  ई.प्र.का. बेलाटारीबाट प्र.ब.ना.नि. मिठे थापा क्षेत्री को कमाण्डमा SOCO सहित ७ जनाको टोली खटि गई घटनास्थल पुगेको थियाे ।
घटनास्थल पुगि मुचुल्का लगायत प्रारम्भिक अनुसन्धान कार्यको लागी तालुक जि.प्र.का. बाट प्र.नि. माधब भण्डारीको कमाण्डमा थप टोली खटिएको र घटनाको बिषयमा आवस्यक अनुसन्धान भैरहेको प्रहरी नायव उपरिक्षक एवम् सूचना अधिकारी भाेजराज पाण्डेले बताउनुभयाे ।