सुरेश यादव,नवलपरासी ।

पश्चिम नवलपरासीको रामग्राम नगरपालिकाले ३० लाख भन्दा बढीको नेपाल विद्युत प्राधिकरणलाई बिल तिर्नुपर्ने बाकी रहेकाे छ । समान्य ब्यक्तिको ६१ दिन भित्र वा ५ देखि १० हजार रुपैया बक्यौता भएपछि नेपाल विद्युतका कर्मचारीहरु विद्युत काट दिने गरेका तर सरकारी कार्यालयहरुमा लाखौं रुपैया वर्षौं देखि बाकी रहेको छ तर विद्युतका कर्मचारीहरुले सरकारी कार्यालयको लाईन काटने हिम्मत छैन स्थानियहरुले भन्छन् ।
रामग्राम नगरपालिकाको कार्यालय र उक्त पालिका भित्र रहेका सडक बत्ती अमरबन सवास्थ्य चौकी समेत विद्युत खपत वापतको रकम नेपाल विद्युत प्राधिकरणलाई बुझाउनु पर्ने ३० लाख भन्दा बढी अहिले सम्म बाकी रहेको नेपाल विद्युत प्राधिकरण परासी उपबितरण केन्द्रका प्रमुख राम प्रमोद शाहले बताउनुभयाे ।
उहाँले भन्नुहुन्छ अमरवन स्वास्थ्य चौकी समेतलाई पटक पटक बक्यौता रकम चुक्ता गर्न पत्राचार गरेता पनि अहिले सम्म रकम चुकता नगरेको ।रामग्राम नगरपालिका वडा नं १८ स्थित रहेको अमरवन स्वास्थ्य चौकीलाई पनि बक्यौता रकम चुक्ता गर्न पत्राचार गरेको तर अहिले सम्म भुक्तान नगरेकाे प्रमुख शाहले बताउनुभयो । जनप्रतिनिधि र कर्मचारीको कार्यालयको लाईन काट्न सकिन्न विद्युत कार्यालयका प्रमुख शाहले भन्नुहुन्छ अमरवन स्वास्थ्य चौकीको लाईन यदि हामीले काटयो भने खोप लगाउने औषधीहरु नष्ट हुन्छ त्यही भएर लाईन काट्न सकेका छैनौं ।
जनप्रतिनिधि र सरकारी कार्यालयको तुलनामा मध्यम र गरीब वर्गका समुदायले विल अनुसारको रकम समयमा भुक्तानी गर्छन वितरण केन्द्रका प्रमुख शाहले भन्नुभयाे ।