कल्पना खरेल,नवलपरासी । उपभोक्ता हित संरक्षण मंच नेपाल सुनवल नगर कमिटीको प्रथम अधिवेशन तथा  उपभोक्ता सचेतना कार्यक्रम सम्पन्न भएकाे छ । उपभोक्ता हित संरक्षण मंच नेपाल सुनवल नगर कमिटीकाे अध्यक्ष सीता तिमल्सिनाकाे सभापतित्व तथा सुनवल नगरप्रमुख विमला अर्यालकाे प्रमुख आतिथ्यतामा उक्त कार्यक्रम सम्पन्न भएकाे हाे ।
अधिबेशनले विष्णुप्रसाद पाैडेलकाे अध्यक्षतामा बाकी २ जना सदस्य थप गर्ने गरी ११ सदस्यीय कार्यसमिति चयन गरेकाे छ ।
जसकाे उपाध्यक्षमा पुष्पा पन्त जैसी,सचिवमा प्रेमबहादुर खड्का,काेषाध्यक्षमा राधा अर्याल, र सदस्यहरूमा कल्पना खरेल, रूद्र प्रसाद पाैडेल, श्यामु गुरूङ, विनु परियार र  कृष्णबहादुर कुवर चयन हुनुभएकाे छ ।
नवनिर्वाचित कार्यसमिकाे कार्यकाल अनुकरणीय रहाेस भन्दै बधाई तथा शुभकामना  दिदै नगरप्रमुख अर्यालले  सचेतनाका कार्यक्रमलाई अभियानकै रूपमा नगरभरी लैजान आग्रह गर्नुभयाे । र याे अभियानमा आफ्नाे साथ समर्थन सदैब रहने प्रतिबद्धता समेत व्यक्त गर्नुभयाे । त्यसैगरी प्रमुख प्रशासकीय अधिकृत भक्तिराम मरासिनीले निर्वाचित हुनु ठुलाे कुरा नभई कार्यसम्पादन कत्तिको प्रभावकारी ढङ्गले गर्न सक्छ त्यसकाे सफल र अफल छुट्टिने हुदा जिम्मेवारीलाई अवसरमा बदल्न सुझाव दिनुभयाे
यता सचेतना कार्यक्रम अन्तर्गत घरेलु तथा साना उद्योग कार्यालय प्रमुख गंगाधर पाण्डेले गुणस्तरीय वस्तु भनेकाे के हाे? गुणस्तरीय वस्तु निर्माणका लागि कस्ता-कस्ता मापदण्ड अपनाउनुपर्छ ? बजार अनुगमन सम्बन्धि व्यवस्था के छ ? अखाद्य बस्तु भेटिएमा के गर्नुपर्छ ? बजार अनुगमन गर्दा ध्यानदिनुपर्ने कुराहरू केके हुन् ? अनुगमन कसरी प्रभावकारी बन्न सक्छ ? लगायतका विषयमा जानकारी दिनुभएकाे थियाे ।
त्यसैगरी साेहि क्रममा बाेल्दै  उपभोक्ता हित सरंक्षण मच नेपालका केन्द्रीय सदस्य रामजी ज्ञवालीले उपभोक्ता हित संरक्षण मंच नेपालकाे स्थापना,काम, कर्तव्य र अधिकारका विषयमा जानकारी गराउनुभएकाे थियाे ।
यसैगरी उद्योग वाणिज्य संघ सुनवलका अध्यक्ष रमेश कर्माचार्यले अनुगमन कार्य फितलाे भएकाे भन्दै बजारमा गुणस्तरहिन समान नियन्त्रण गर्न स्थानीय सरकार पनि सचेत हुनुपर्नेमा ध्यानाकर्षण गराउनुभयाे ।
उपभोक्ता हित संरक्षण मंच नेपालका जिल्ला सचिव माेहन पाैडेलकाे संचालन रहेकाे कार्यक्रममा उपभोक्ता हित सरंक्षण मंच नेपालका जिल्ला अध्यक्ष तथा अधिवक्ता सरस्वती शर्मा, वडा नम्बर ६ का वडा अध्यक्ष हिमलाल शर्मा, सुनवल प्रेस क्लबका अध्यक्ष रमेश भुषाल लगाएतले बाेल्नुभएकाे थियाे ।