कल्पना खरेल, नवलपरासी  । सुनवल नगरपालिका वडा नम्बर १० को नयाँ निर्मित प्रशासकीय भवनको आज उद्घाटन  गरिएको छ । वडा नम्बर १० का  वडा अध्यक्ष दिल बहादुर थापाको अध्यक्षतामा तथा सुनवल नगरपालिकाका नगर उप-प्रमुख सुर्य प्रसाद दुबेको प्रमुख आतिथ्यतामा उक्त नवनिर्मित भवनकाे उद्वाटन गरिएको छ ।
उद्वघाटन कार्यक्रमलाई सम्बाेधन गर्दै नगर उप-प्रमुख दुवेले यस वडाका सम्पूर्ण  राजनीतिक दल, समाजसेवी, बुद्धिजीवी, आमा समूह महिला सबैको अथक प्रयास र सहयोगले वडा कार्यलय भवन निर्माण सम्पन्न हुन सफल भएकाे बताउनुभयाे । उक्त   उद्घाटन कार्यक्रममा वडा भित्र रहेका विभिन्न राजनितिक दलका अध्यक्ष तथा प्रतिनिधि विभिन्न संघ सस्थाका अध्यक्ष तथा प्रतिनिधि आमा समूह महिला समुह र स्थानियकाे बाक्लो उपस्थिति रहेको थियाे ।
कार्यक्रममा स्वागत मन्तव्य वदा सदस्य मोहन बुढाथोकीकाे स्वागत र  वडा सचिब रेखा कुमारी गुरुङकाे संचालन रहेकाे कार्यक्रममा वडा नम्बर १ का वडा अध्यक्ष मन बहादुर थापा मगर, वडा नम्बर ४ का अध्यक्ष बालकृष्ण पङ्गीनी,कार्यपालिका सदस्य सीता भण्डारी लगाएतले शुभकामना  मन्तव्य व्यक्त गर्नुभएको थियो ।