कल्पना खरेल, सुनवल । पश्चिम नवलपरासीको सरावल गाउँपालिका वडा नम्बर ५ धनगढवामा सवारी दुर्घटनामा परी एक व्यक्ति गम्भीर घाइते भएका छन् ।

दिउसो अन्दाजी १:३० बजे साे ठाउँ स्थित भित्री सडक खण्डमा पश्चिमबाट पुर्व तर्फ आँउदै गरेको DL 15 AG 0261 नं. को मोटरसाईकल आफै अनियन्त्रित भई बिजुलीको पोलमा ठक्कर खाँदा मोटरसाईकल चालक भारत उत्तर प्रदेश महाराजगंज स्थित तुर्किया बस्ने बर्ष अन्दाजी २९ को ज्ञानेश्वर तिवारी गम्भीर घाईते भएका हुन् ।

उनकाे ठाउँमा गम्भीर चाेट लागि बाेल्न नसक्ने अबस्थामा उपचारको लागी जिल्ला अस्पताल परासी लगिएकोमा थप उपचारका लागि अहिले मेडिकल कलेज भैरहवा पठाईएको प्रहरी नायव उपरीक्षक एवम् सूचना अधिकारी भाेजराज पाण्डेले बताउनुभएकाे छ ।

थप अनुसन्धानका लागि प्रहरी नायव निरीक्षक गोकर्ण चौहानको कमाण्डमा ३ जनाको टोली घटनास्थल पुगेकाे र मोटरसाईकल नियन्त्रणमा लिईएकाे समेत डिएसपी पाण्डेले बताउनुभयाे ।