कल्पना खरेल,सुनवल । सुनवल नगरपालिकाले आज छैटौं नगर स्थापना दिवस मनाएकाे छ । सामाजिक सुरक्षा सुशासन न्याय विकास र समानता, समृद्ध नगर सुखी नगरबासी हाम्रो प्रतिबद्धता भन्ने मुल नारा सहित सुनवल नगरपालिकाको नयाँ प्रशासनिक भवनको सभाहल, आवास क्षेत्र, सुनवल-१ मा नगरपालिकाले आफ्नाे छैटौं नगर स्थापना दिवस मनाएकाे हाे ।

कार्यक्रममा बाेल्दै नगरप्रमुख अर्यालले स्थानीय सरकार नगरबासीकाे हित,सरंक्षण र विकासका पक्षमा प्रभावकारी सेवा दिनेगरि कार्ययोजना बनाई अगाडी बढेकाे बताउनुभयो ।

त्यस्तै स्वागत मन्तव्य राख्दै उप-प्रमुख सूर्यप्रसाद दुबेले सुनवल नगरपलिकाले छिट्टै आफ्नै प्रशासनिक भवन देखी सेवा प्रभाह गर्न प्रतिबद्धता जाहेर गर्दै नगरबासीकाे चाहाना अनुसार काम गर्न जनप्रतिनिधि सदैव तयार रहेको बताउनुभयाे ।

नगर प्रवक्ता कृष्ण प्रसाद बगाले,महाकवी क्याम्पस अध्यक्ष कृष्ण प्रसाद लामिछाने, निवर्तमान वडा अध्यक्ष कर्ण बहादुर सेन, नेकपा माओवादीका नगर इन्चार्ज लगायतको शुभकामना मन्तव्य रहेकाे कार्यक्रममा विभिन्न वडाका जनप्रतिनिधि, नगरपालिकाका कर्मचारीको उपस्थिती रहेको थीयो।