कल्पना खरेल,सुनवल । सुनवल प्याब्सनद्वारा आज आयाेजित सिक्स “ए“ साइड जिल्ला स्तरीय प्याब्सन फुटबल प्रतियोगितामा सुनवल प्याब्सन विजय भएको छ ।

बर्दघाट प्याब्सनलाई शुन्यका विरूद्व ६ गर्दै फराकिलो गोल अन्तरले सुनवल प्याब्सन विजय भएको हो ।सुनवल-४ सिद्दार्थ शिशु सदनको खेलमैदानमा भएको उक्त प्रतियोगितामा सुनवल प्याब्सन, रामग्राम प्याब्सन र बर्दघाट प्याब्सन गरि तिन टिमकाे सहभागीता रहेको थियो ।

प्रतियोगितामा म्यान अफ द म्याच र प्लेयर अफ द टुर्नामेन्ट पदम चन्द ठकुरी, हाई स्कोर नेत्र रिजाल, बेस्ट स्ट्राईकर सन्तोष अधिकारी, बेस्ट डिफेन्डर सुवणर्राज उपाध्याय, बेस्ट किप्पर कृष्ण प्रसाद शर्मा र फेयर प्लेयर चोलाकान्त रेग्मी हुनुभएको छ ।

कार्यक्रममा बाेल्दै सुनवल उद्याेग बाणिज्य संघका अध्यक्ष रमेश कर्माचार्यले स्वस्थ रहन खेल अतिनै प्रभावकारी माध्यम रहेकाे बताउनुभयो । साथै उहाले निजि क्षेत्रलाई स्थानीय सरकारले फरक दृष्टिकोणबाट हेरेकोमा दुःख समेत व्यक्त गर्नुभयो ।

साेहि कुरालाई चिर्दै नगर प्रमुख बिमला अर्यालले बोल्दै सामुदायिक र निजि विद्यालयलाई स्थानिय सरकारले समान ढङ्गले हेरेकाे बताउदै गुणस्तरीय शिक्षामा ध्यान दिनु आजकाे आवश्यकता रहेकाे धारणा व्यक्त गर्नुभयाे ।

सुनवल प्याब्सनका अध्यक्ष कृष्ण प्रसाद शर्माको अध्यक्षता र नगर प्रमुख विमला अर्यालको प्रमुख आतिथ्यता रहेकमे कार्यक्रममा जिल्ला खेलकुद बिकास समितिका उपाध्यक्ष एवं सिद्दार्थ शिशु सदनका शिक्षक पदम चन्द ठकुरीको स्वागत र सुनवल प्याब्सनका सचीव चोलाकान्त रेग्मीको संचालन रहेको थियो ।