प्रकाशित मिति: १६ माघ २०७९, सोमबार २२:२७
कल्पना खरेल, सुनवल । पश्चिम नवलपरासीकाे सुनवलमा जारी प्रथम बिग बुद्ध कप खुल्ला नकआउट पुरुष फुटबल प्रतियोगिता अन्तर्गत आजकाे खेलमा गौतम बुद्ध सामुदायिक विकास प्रतिष्ठान बर्दघाट विजयी भएकाे छ ।
्
विग बुद्ध क्लबको आयोजनामा सुनवल ६ विशासय स्थित भुपु खेल मैदानमा भएकाे आजकाे खेलमा मायादेवी युवा क्लब, टटेरा (रुपंदेही) लाई शुन्य ( 0 ) का विरूद्व १ गाेल गर्दै गाैतम बुद्व सामुदायिक विकास प्रतिष्ठान विजयी भएकाे हाे ।
पहिलाे हाफमा निकै राेचक १ गाेल गर्न सफल गौतम बुद्ध सामुदायिक विकास प्रतिस्ठान बर्दघाटलाई चुनाैति दिदै आक्रामक शैलीमा खेल प्रदर्शन गरेकाे मायादेवी युवा क्लब, टटेरा (रुपंदेही)ले खेल अबधिभर गाेल फर्काउन सकेन ।
आजकाे खेलमा मायादेवी युवा क्लबका गोल रक्षक जर्सि नम्बर २२, विष्णु पल्ली मगर म्यान अफ द म्यान घाेषित भएका छन् ।
त्यसैगरी, भाेलीकाे खेल किर्तिपुर यूवा क्लब VS सुनवल -४ विच राेचक खेल हुने बिग बुद्व क्लबका अध्यक्ष सन्जिव लामाले बताउनुभएकाे छ ।
व्यवस्थित पार्किङ्ग,ताजा खाजाकाे व्यवस्था र फ्रि वाईफाईकाे सुविधा रहेकाे यस खुला नकआउट फुटवल प्रतियोगिताकाे खेल अवधिभर नवलपरासी खवरले आफ्नाे फेसबुक पेजमार्फत प्रत्यक्ष प्रसारण गर्नेछ ।
Ads
