रंजीत शर्मा,नवलपरासी।हिन्दू स्वयंसेवक संघ नेपालको आयोजनामा नवलपरासीको पाल्हिनन्दन गाउँपालिका वार्ड नं ३ कुश्मामा मकर संक्रान्ति पर्वकाे अवसरमा खिचडी खुवाँउदै उत्सवका रूपमा मनाइएको छ।

हिन्दू स्वयंसेवक संघ नेपाल पाल्हिनन्दनका नगर संघ चालक गुड्डुको अध्यक्षता तथा पाल्हिनन्दन गाउँपालिकाका अध्यक्ष बैंजु प्रसाद गुप्ता ( दीपक )को प्रमूख अतित्थ्यतामा खिचडी खुवाउदै एक आपसमा माघे संक्रान्ति पर्व मनाइएको हाे ।

कार्यक्रममा बोल्दै प्रमुख अतिथि गुप्ताले धर्म सँस्कृतिको रक्षा गर्नु हामी सबैको जिम्मेवारी रहेकोले आ आफ्नो तर्फबाट योगदान दिन आग्रह गर्नुभएकाे थियाे ।उहाँले हिन्दू धर्मको एक महत्वपूर्ण पर्व माघे संक्रान्ति अर्थात् खिचडी रहेकोले यसलाई भवयतापूर्वक मनाउन आग्रह गर्खै पालिका बाट हुने सक्ने सहयोग गर्ने प्रतिबद्धता समेत व्यक्त गर्नुभयाे ।

कार्यक्रममा मुख्य वक्ताका रूपमा हिन्दू स्वयंसेवक संघ नेपालका राष्ट्रिय सह-सेवा प्रमूख उमा शंकर पाठक,विशेष अतिथिका रुपमा वार्ड अध्यक्ष गोधन हरिजन,विशिष्ट अतिथि हिन्दू स्वयंसेवक संघ नेपालका लुम्बिनी प्रदेशका सभाग कार्यवाहक रविकान्त उपाध्याय, श्री बिरेन्द्र कुवंर, सिद्धार्थ मा.वि.का प्रधानध्यापक रविन्द्र शर्मा लगाएको उपस्थिती रहेको थियो।