८ फागुन, परासी । पश्चिम नवलपरासीको सरावल गाउँपालिका २ अत्रहटी स्थित शिव मन्दिरमा ३ दिन महाशिवरात्री मेला लाग्ने  भएको छ । यहीँ फागुन १३ , १४ र १५ गते गरि ३ दिन धुमधामले महाशिवरात्रीको मेला लाग्ने महाशिवरात्रि मेला ब्यवस्थापन समितिले बताएकाे छ ।
यस क्षेत्रकाे माैलिक धर्म संस्कृति र परम्परालाई जगेर्ना गर्दै पुस्ता हस्तान्तरण गर्ने लक्ष्य सहित मेलाकाे आयाेजना गरिएकाेशिवमन्दिर परिसरमाआयोजना गरिरहेको मेला समितिका अध्यक्ष देवानन्द चौधरीले बताउनुभयाे ।
मेलाकाे व्यवस्थापन र दर्शनार्थी भक्तजनहरूकाे आवश्यकता र सुरक्षालाई ध्यानमा राखि  बिभिन्न समिति, उप–समितिहरु गठन गरी सयौंको संख्यामा स्वंयम सेवक र सुरक्षाकर्मी खटाईने समितिका सचिव दामोदर देवकोटाले जानकारी दिनुभयाे  ।
उक्त मेलामा नवलपरासी, रुपन्देही लगाएत छिमेकी राष्ट्र भारतका केहिँ सिमावर्ती जिल्लाहरुबाट पनि भक्तजनहरु मेलाकाे अवलोकन गर्न आउने गरेका छन् । भलिबल प्रतियोगिता संगै विभिन्न चर्चित कलाकारहरुकाे सांकृतिक प्रस्तुति मेलाकाेमुख्य आकर्षककाे रूपमा हेरिएकाे छ ।
चर्चित पुरातात्विक एवंम ऐतिहासिक रुपमा गहन महत्त्व बाेकेपनि  प्रचार–प्रसार अभावमा ओझेलमा परेकाे सरावलकाे अत्रहटी शिव मन्दिरकाे स्थानीय सरकारद्वारा उचित संरक्षण लगानी र प्रवर्द्धनकाे आवश्यकता रहेकाे छ ।