१७ माघ , नवलपरासी । श्री धान्याचल महायज्ञ माध्यमिक विद्यालय सुनवल १३ बडेरा  पश्चिम नवलपरासीकाे  ३७ ओै वार्षिकोत्सब तथा अभिभावक दिवस आज बिहीबार सम्पन्न भएकाे छ ।
विद्यालय व्यवस्थापन समितिका अध्यक्ष सुर्य न्याैपानेकाे अध्यक्षता तथा निवर्तमान लुम्बिनी प्रदेशकाका उद्योग, पर्यटन तथा सहकारी मन्त्री एवं प्रदेश सभा सदस्य  खड्ग बस्नेतकाे प्रमुख आतिथ्यतामा उक्त वार्षिकोत्सब तथा अभिभावक दिवस सम्पन्न भएकाे हाे ।
कार्यक्रममा बाेल्दै प्रदेशसभा सदस्य बस्नेतले हिजका दिनमा अग्रज व्यक्तित्वहरूले गर्नुभएकाे मेहनत त्याग र समर्पणकाे नतिजा नै ध्यान्याचल माविका आजकाे सफलता भएकाे टिप्पणी गर्नुभयाे।
समयसगैँ शिक्षा पनि रूपान्तरण हुँदै जाने भएकाेले शिक्षाकाे समग्र विकास र उपलब्धिका लागि आवश्यकतालाई हेरेर परिमार्जित गर्दै  लैजानुपर्ने उहाँको भनाई छ ।
वि.स २०४३ सालमा सम्पन्न धान्याचल महायज्ञमा संकलित धान,चामल तथा नगद रु २५ हजारबाट  प्रारम्भमा स्याउलाको बार बनाई वि.स २०४३ पुषमा विद्यालयको शुभराम्भ भएको थियो ।
तत्पश्चात वि.स २०४५ माघ १७ गते  कक्षा १ को स्वीकृति तथा १ शिक्षक दरबन्दी प्राप्त गरेको विद्यालयले साेहि दिनलाई स्थापना दिवसको रुपमा मनाउदै आएको छ ।
कार्यक्रममा विद्यालयका प्र.अ. ऋषिराम भण्डारीले वार्षिक प्रतिवेदन प्रस्तुत गर्दै विद्यालयले आर्थिक वर्ष २०८०/०८१ मा २ करोड ७१ लाख ८६ हजार २ सय बराबरकाे आयव्यय विवरण प्रस्तुत गर्नुभएको थियो ।
त्यस्तै कार्यक्रममा २०८० काे एस.ई.ई परिक्षामा उत्कृष्ट नतिजा ल्याउने विद्यार्थीलाई सम्मान, अक्षयकोषदातालाई सम्मान छात्रवृत्ति वितरण, उत्कृष्ट शिक्षक सम्मान, सगैँ भजन चुट्का र विद्यार्थी तथा शिक्षकद्वारा नृत्य समेत प्रस्तुत गरिएकाे थियाे ।
विद्यालयका शिक्षक रामराज श्रेष्ठको संचालन र विद्यालय व्यवस्थापन समितिका अध्यक्ष सुर्य न्याैपानेकाे स्वागत रहेको कार्यक्रममा नगर प्रवक्ता एवं वडा नम्बर १३ का वडा अध्यक्ष कृष्ण प्रसाद बगाले, सुनवल शिक्षा शाखा अधिकृत पशुपति भट्टराई, विद्यालय व्यवस्थापन समिति महासंघ केन्द्रिय सदस्य राम बहादुर क्षेत्री, बडेरा सामुदायिक वन उपभोक्ता समुहका अध्यक्ष मदन पन्त, भगवती मा.वि. वनकट्टीका प्रधानाध्यापक बाबुराम पाण्डे, लुम्बिनी साकोसका अध्यक्ष लेखनाथ खरेल, अक्षयकोषदाता प्रभाकर सिंह थापा, पुर्व प्रध्यानध्यापक मुकुन्द सुचिकार, विद्यार्थी अनिता भुषाल लगाएतको शुभकामना मन्तव्य व्यक्त गर्नुभएकाे थियाे ।