कल्पना खरेल,नवलपरासी । साेमवार पत्रकार सम्मेलनकाे आयाेजना गरि नवलपरासी उद्योग वाणिज्य संघले झरही खाेलामा बाध बाधेर ढुंगा संचालन गर्ने नयाँ याेजना रहेकाे बताएकाे छ । यहि मंंसिर ५ गतेदेखि १७ गतेसम्म संचालन हुने नवलपरासी ओैधाेगिक व्यापार मेला २०८० मा झरही खाेलामा बाध बाधेर ढुंगा संचालन गर्ने नयाँ याेजना रहेकाे बताइएकाे हाे ।
मेलाले जिल्लालाई कृषि पर्यटन एव औद्योगिक जिल्लाको रूपमा परिचित गराउदै यस क्षेत्रकाे धार्मिक, ऐतिहासिक, सांस्कृतिक, पर्यटकीय र जैवीक विविधताको संरक्षण तथा प्रचार प्रसार गरी समग्र आर्थिक तथा समाजिक क्षेत्रको विकास गराउने मुख्य लक्ष्य रहेकाे आयाेजक समितिले जनाएकाे छ ।
साथै राष्ट्रिय, अन्तर्राष्ट्रिय बजार सम्म औद्योगिक लघु उद्यम तथा कृषिजन्य उत्पादनहरुको बजार विस्तार गरी उपभोक्ता वर्गलाई मुलुक भित्रै किनमेल गर्ने बानीको विकास गराउने समेत मेलाकाे उदेश्य रहेकाे छ ।
रामग्राम १२ शान्तिचाैर,कसियामा लाग्ने मेलामा २ लाख दर्शकले  मेला अबलोकन गर्ने र ५ कराेड भन्दा बढिकाे आर्थिक काराेवार हुने अनुमान गरिएकाे छ ।  मेलामा विद्युत, खानेपानी तथा शाैचालय, टेलिफोन,फ्याक्स र ईन्टरनेट ,प्राथमिक उपचार तथा एम्बुलेन्स सेवा,शान्ति सुरक्षा,मेला अवधिभर विमाकाे सुविधा ,पर्याप्त पार्किङकाे सुविधा लगायतको प्रवन्ध मिलाइने नवलपरासी उद्योग वाणिज्य संघका अध्यक्ष ओमप्रकाश अग्रहरीले जानकारी दिनुभएकाे छ ।
मेलालाई आकर्षण गराउन करिव २ सय स्टलमा विभिन्न प्रदर्शनी तथा विक्री कक्ष,  सांगीतिक तथा साँस्कृतिक कार्यक्रम, विभिन्न आकर्षक खेल सहित बाल उद्यान समेतकाे व्यवस्था गरिने छ ।
भने प्रदर्शन हुने वस्तु तथा सेवामा तयारी पाेशाक तथा हस्तकलाका सामाग्रीहरू, लघु, घरेलु तथा स-साना उद्यमीद्वारा उत्पादित विविध वस्तुहरू,घरायसी उपभाेगका सामानहरू, फर्निचर , खाद्य पदार्थ लगाएतकाे वस्तुहरू राखिने छन् ।
त्यसैगरी मेला व्यवस्थापनका लागि विभिन्न समिति ,उपसमिति गठन गरि कार्य विभाजन समेत गरिएको छ।   मेलामा विद्यार्थिलाई ५० र अन्यलाई ७० रुपैयाँ टिकटदर कायम गरिएको समेत पत्रकार सम्मेलनमा जानकारी गराइएकाे थियाे ।