वैशाख ७,जनकपुरधाम । धनुषामा हात र खुट्टा बाँधेर हत्या गरेको अवस्थामा  एक युवकको शव भेटिएको छ ।

जनकपुरधाम उपमहानगरपालिका वडा- २१ कुर्थास्थित रामनारायण महासेठको पोखरीमा अन्दाजी २५ वर्षीय  युवकको शव भेटिएको हो ।
पानीमा ती युवकको शव तैरिरहेको देखेपछि स्थानीयले प्रहरीलाई खबर गरेका थिए ।
युवकको हात र खुट्टा कपडाले बाँधिएको छ भने मुखमा धारिलो हतियारले प्रहार गरेको देखिएको प्रहरीले जनाएको छ ।
युवकको शवलाई पोष्टमार्टमका लागि प्रादेशिक अस्पताल जनकपुरधाम ल्याइएको र यसबारेमा थप अनुसन्धान भइरहेको धनुषा प्रहरीका प्रवक्ता एवं डीएसपी जितेन्द्रकुमार बस्नेतले जानकारी दिए ।
मृतकको पहिचान खुल्न सकेको छैन ।