कल्पना खरेल, सुनवल । पश्चिम नवलपरासीको रामग्राम नगरपालिका वडा नम्बर १० नदुवामा माेटरसाईकल र स्कुटर एक आपसमा ठाेक्किदा २ व्यक्ति सहित एक बालक घाइते भएका छन् ।

अन्दाजी साँझ ७ :३० बजे साे ठाउँ स्थित हुलाकी सडक खण्डमा उत्तरबाट दक्षिण तर्फ आउदै गरेको लु ६१ प ३३६० नं. को मोटरसाईकल र बिपरित दिशाबाट आउदै गरेको बा ७१ प ७४१९ नं. को स्कुटर एक आपसमा ठाेक्किदा साे दुर्घटनामा भएकाे हाे ।

दुर्घटना हुँदा मोटरसाईकल चालक जिल्ला रुपन्देही सिद्दार्थ न.पा. बस्ने बर्ष अं. ३८ को राजेन्द्र क्षेत्रीको खुट्टा फ्याक्चर भएको, अवस्था मध्यम,स्कुटर चालक काठमाण्डौ म.न.पा. ३० बस्ने बर्ष अं. २९ को डा. सन्दिप सापकोटा, दुबै खुट्टामा चोट, अवस्था मध्यम र जिल्ला नवलपरासी रामग्राम १० नोदवा बस्ने संजय कुमार जयसवालको छोरा बर्ष अं. ६ को शिबाय जयसवाल शरिरको बिभिन्न भागमा चोट, अवस्था मध्यम रहेकाे प्रहरी नायव उपरीक्षक एवम् सूचना अधिकारी भाेजराज पाण्डेले बताउनुभएकाे छ ।

उहाँका अनुसार बाटोमा खेलिरहेको बालक लाई समेत ठक्कर दिएकाे हाे । घाइतेको जिल्ला अस्पताल परासीमा सामान्य उपचार पश्चात थप उपचारको लागी सिद्दार्थ सिटी अस्पताल भैरहवा रुपन्देही पठाईएको छ।

घटनाका विषयमा थप अनुसन्धानका लागि प्रहरी सहायक निरीक्षक चाम बहादुर ओलीको कमाण्डमा ट्राफिक सहित ५ जनाको टोली घटनास्थल पुगेकाे समेत डिएसपी पाण्डेले बताउनुभयाे ।