सुनवल ।  नेपाल आदिवासी जनजाति महासंघ वडा समन्वय परिषद सुनवल १ को आयोजनामा  ५ दिने क्षमता अभिवृद्धि  तथा नेतृत्व विकास तालिम सुनवल -१ सामुदायिक सिकाइ केन्द्रको सभाहलमा सम्पन्न भएको छ ।

महासंघ वडा समन्वय परिषद सुनवल १ का अध्यक्ष तिल प्रसाद तमुको अध्यक्षता तथा सुनवल नगरपालिका वडा नम्बर १ का वडा अध्यक्ष मन बहादुर थापा मगरको प्रमुख आतिथ्यता भएकाे  तालिम आदिवासीलाई लक्षित रहेकाे थियाे ।

कार्यक्रममा बाेल्दै वडा अध्यक्ष थापा मगरले वडामा सिपमुहक तालिम र क्षमता अभिवृद्धिका लागि  वडाले बजेटको व्यवस्था  मिलाउदै आएकाेले त्यसकाे प्रतिफल राम्रो हुनु पर्नेमा जोड दिनुभयाे ।
उक्त ५ दिने तालिममा वडा नम्बर १ का वडा सदस्य कृष्ण के.सी, प्रसुराम कवर, बाल कुमारी परियार,महासंघका नगर अध्यक्ष हेम बहादुर थापा लगायतले मन्तव्य राख्नुभएको थियो ।

नेपाल मगर संघ केन्द्रीय सह अध्यक्ष दल बहादुर बिरकट्टाले सहजीकरण गर्नुभएकाे तालिमको  गर्नु भएको कार्यक्रमकाे  स्वागत मन्तव्य अध्यक्ष तिल प्रसाद तमु र   संचालन सचिब सिमा थापाले गर्नु भएको थियो  ।