कल्पना खरेल,सुनवल।पश्चिम नवलपरासी सुनवल नगरपालिका वडा नम्बर ४ अल्कत्रेडाडामा पिकअप र ट्रक एक आपसमा ठाेकिदा आज एक जनाकाे मृत्युु भएकाे छ ।
आज विहान अन्दाजी ६:०० बजे पुर्व पश्चिम राजमार्गमा पश्चिमबाट पुर्व तर्फ आउदै गरेको ना ४ च ९६३१ नं. पिकअप र बिपरित दिशाबाट जादै गरेको ना ५ ख ९७१५ नं. को कोइला लोड गरेको ट्रक एक आपसमा ठक्कर खाई दुर्घटना भएकाे हाे ।
दुर्घटनाको खबर प्राप्त हुनासाथ ई.प्र.का. सुनवलबाट प्र.नि. विष्णु प्रसाद पौडेलको कमाण्डमा खटिएको ५ जनाको टोली र स्थानीयको सहयोगमा पिकअप चालक चितवनकाे भरतपुर महानगरपालिका १४ शिवनगर बस्ने बर्ष ५२ को राज कुमार बि.क. को टाउको र शरिरको बिभिन्न भागमा चोट लागी घाइते अबस्थामा रहेकोले तत्काल उद्धार गरि उपचारको लागी जिल्ला अस्पताल परासी पठाईएकोमा बिहान ७:१५ बजे डाक्टरले मृत्यु घोषण गरेको प्रहरी नायव उपरिक्षक तथा सूचना अधिकारी भाेजराज पाण्डेयले जानकारी दिनुभएकाे छ ।
अहिले मृतककाे शव भने सोही अस्पतालमा राखिएकाे छ ।।
साथै सो पिकअपमा सवार चितवनकाे भरतपुर महानगरपालिका वार्ड नं २३ बस्ने अन्दाजी २५ बर्षको शिव श्रेष्ठको टाउको र दुवै खुट्टामा चोट लागि घाइते भएकोले उनलाई समेत उद्धार गरि उपचारको लागी देवदह मेडिकल कलेज भलुहिमा पठाईएको सूचना अधिकारी पाण्डेयले बताउनुभयाे । अहिले घाइते श्रेष्ठकाे अबस्था मध्यम रहकाे छ।
यतिबेला ट्रक चालक जिल्ला मकवानपुर मनहरी गाउंपालिका वार्ड नं ३ हांडिखोला बस्ने बर्ष ४८ को कान्छा तामाङ र दुबै सवारी साधन प्रहरीको नियन्त्रणमा रहेको जिल्ला प्रहरी कार्यालय नवलपरासीले जनाएकाे छ ।
घटना के कसरी हुन गएको हो भन्ने बिषयमा थप आबस्यक अनुसन्धान भैरहेको प्रहरी नायव उपरीक्षक तथा सूचना अधिकारी पाण्डेयले बताउनुभयाे ।