पाल्पा। गएराति पाल्पाकाे रैनादेविमा बस दुर्घटना हुदा ६ जनाकाे ज्यान गएकाे छ भने १८ जना घाइते भएका छन् ।

रूपन्देहिकाे सालझण्डीबाट यात्रु लिएर खुसार्नेका लागि छुटेकाे यात्रुवाहक बस गएराति १० वजे पाल्पाकाे रैनादेवि छहरा गाउँपालिका वडा नम्बर ८ खुसार्नेमा बस दुर्घटना भएको हाे।

ग १ ख ४९७७ नम्बरको बस दुर्घटना हुँदा खुसार्ने गाउँका ६ जना महिलाको मृत्यु भएको हो । मृत्यु हुनेहरुमा खुसार्ने गाउँका खेमकुमारी राना, निर्मला घिमिरे, सुरुमा घिमिरे, कमला खत्री र गुनी गाहा रहेको वडा नम्बर ८ का वडा अध्यक्ष रेमबहादुर रानाले जानकारी दिनुभयो ।

दुर्घटनामा घाइते भएका अन्य १८ जनालाई उचारका लागि लुम्बिनी प्रादेशिक अस्पताल बुटवल पठाइएको वडाअध्यक्ष रानाले बताउनुभयो  ।
ज्यान गुमाएकामध्ये एक जनाको भने परिचय खुल्न सकेको छैन । तीन जनाको शव दुर्घटनास्थलबाट बाहिर निकालिएको छ भने ३ जना बसले च्यापेको अवस्थामा रहेका प्रहरीले जनाएकाे छ ।

पाल्पा र रुपन्देहीका प्रहरी तथा स्थानीय बासिन्दाले उद्धार कार्य जारी राखेका स्थानीय प्रहरी चौकी जुठापौवाका वरिष्ठ हवल्दार लिलाबहादुर केसीले जानकारी दिनुभयो  ।